გაზაფხული - 27 მარტში 2012

იასამანი გაიშალა და ათრობს ბაღებს,
უთვალავი ყვავილი რომ ამშვენებს მინდორს,
ქალბატონი გაზაფხული ისწორებს კალთებს,
ნაზი სიო გააცოცხლებს მოქარგულ ტილოს.
იასამანი გაიშალა თმაში, კალთაში,
მე ამ სინაზის, სურნელების ტრფიალი მიპყრობს,
დამავიწყდება გუშინდელი სიცივის შიში,
გულს გაზაფხული მინათებს და მაისის სითბო.

გაზაფხულის სუნთქვა ისმის,
გაიღვიძეს ენძელებმა.
დღე გადიდდა, დათბა, მაგრამ
ზამთარს წასვლა ეძნელება.

მზე იცინის, გრძელი ფუნჯით
მწვანე ფერად ღებავს მინდვრებს.
ჟივჟივებენ ბეღურები –
მალე გამოიამინდებს!

ვის გაუგია ივლისში თოვა?!

მაგრამ თუ მთხოვე, მე თოვლად მოვალ...

მოვალ და შენში ვიპოვი ყვავილს

რომელიც თოვლის ალერსით ყვავის...

წვიმს, ეტმასნება თეძოებს კაბა

სხეულს სიშიშვლე შვენის

შენი ასაკის რომ ვიყო

ალბათ შევიშლებოდი შენით...

რატომ გაწვიმდა ნეტავ ამ სისხამ

თუმც რას გაუგებ მაისს...

ან რა აზრი აქვს რა ასაკის ხარ

უკვე მიყვარხარ მაინც....

იასამანი გაიშალა და ათრობს ბაღებს,

უთვალავი ყვავილი რომ ამშვენებს მინდორს,

ქალბატონი გაზაფხული ისწორებს კალთებს,

ნაზი სიო გააცოცხლებს მოქარგულ ტილოს.

იასამანი გაიშალა თმაში, კალთაში,

მე ამ სინაზის, სურნელების ტრფიალი მიპყრობს,

დამავიწყდება გუშინდელი სიცივის შიში,

გულს გაზაფხული მინათებს და მაისის სითბო.

გზის პირას თეთრი გვირილა

ჩამოიმძიმებს თვალებს,
შემობინდებას ნათელით
შემოუძღვება მთვარე.
განთიადისას დაფურცლავს
მიწას ყვავილთა თოვა,
კითხვად ქცეულა გვირილა:-
"მოვა? არ მოვა? ...მოვა..."

თუ მოგეწონათ დააკომენტარეთ რა