***

უშიშროებაში მიხო პაპა ვიღაცამ ჩაუშვა – შეშაში ოქრო აქვს ჩატენილიო. ერთ დღეს მარო ეუბნება ქმარს:

- კაცო, ვიღაცეები მოვიდნენ, შეშა სულ დახერხეს და დაჩეხეს…

- მაიცა, დედაკაცო! გაზაფხულზე, მიხოი არ ვიყო, თუ მაგათ ვენახი არ გადავახნეინო!

***

ოსი ომშია. გახურებული ბრძოლაა, მაგრამ სანგრიდან თავს არ ყოფს. უფროსი გაუბრაზდა, – ადექი, იბრძოლე, მაშ, აქ რისთვის ხარო.

- სენი წილიმე, უფროსო, მე აქ მოხალისედა ვარ წამოსული, მაგრამ სახალისოს ვერაფერს ვხედავო, – უპასუხა ოსმა.

***

გერმანულის მასწავლებელი ეკითხება მოსწავლეს:

- როგორ არის წიგნი გერმანულად?

- ბუხ! – პასუხობს ბავშვი.

- ორი?

- ბუხ, ბუხ!

- სამი?

- ბუხ, ბუხ, ბუხ!

- მასწავლებელო, ბიბლიოთეკა არ ჰკითხოთ, თორემ აგვაფეტქებს, – ურჩია მეორე მოსწავლემ. 

***

ჭიჭიკიას ძაღლი უკბენს. შეწუხებულმა ძაღლის პატრონმა თავი გამოიდო:

- ვაიმე, ჩემი სიკვდილი, ბატონო, შარვალი ხომ არ გაუხევია?

- არა, რავა გეკადრებათ, ამიკაპიწა და ისე მიკბინა.

***

მიხო საფრანგეთში ჩავიდა და პარიზის ერთ-ერთ ხუთვარსკვლავიან სასტუმროში გაჩერდა.

- მუსიე, როდისთვის გაგიმზადოთ აბაზანა?

მიხომ თავი მოიქექა:

- ჰოო, ახლა ორშაბათია, არა? შაბათისთვინა.